VERSE 1

Au, Tswv Yexus peb thov qhuas Koj lub Npe
Vim Koj tau coj suavdlawg tuaj nyob uake
Uantej yuav ncaim suavdlawg thov koob thov moov
Thaus peb sisncaim kuas peb moog kaaj moog zoo.

VERSE 2

Thaus peb taabtom taugkev rov qaab moog tsev
Thov Koj nrugnraim tsi has moog ze los dleb
Thov Koj tsomkwm kuas peb muaj sab tajtug
Thov Koj paab kuas peb txawj ntseeg hab noog lug.

VERSE 3

Peb moog nrhav noj tsi has txug thaaj chaw twg
Thov kuas peb ncuntsoov txug peb tug Vaajtswv
Thov kuas peb tsi xob raug Ntxwjnyoog ntxeevntxag
Thov Koj puag peb rua huv Koj lub xubndlag.

VERSE 4

Yog tsi tau txug caijnyoog Koj rov lugdlua
Thov Koj ua tug coj peb suavdlawg rov tuaj
Peb suavdlawg yuav qhuas Koj lub Koob lub Npe
Thaus peb rov tuaj txug huv Koj lub tuamtsev, Amees.

CLICK TO LISTEN
MUSIC PDF