354. SAU TUG CAAG KWS VAAJTSWV COG
VERSE 1

Sau tug caag kws Vaajtswv cog
Ruaj hab khov tsi txawj pob
Vaajtswv tsaa kuas muaj pawgntseeg
Nyob xyaws nplajteb tuabneeg
Tug caag ntawd yog Tswv Yexus
Tsomkwm cov ntseeg txhua tug
Pawgntseeg txha le nyob kaajsab
Huv Vaajtswv lub xubndlag.

VERSE 2

Tswv Yexus nqeg rua qaabntuj
Lawv le Vaajtswv coglug
Nqeg lug xaiv tug nkaujnyaab tseg
Yog pawgntseeg huv nplajteb
Nwg siv Nwg tugkheej txujsa
Lug cawm tau pawgntseeg ca
Pawgntseeg txha dlim txuj kev tuag
Lug ua Vaajtswv mivnyuas.

VERSE 3

Txhua tsaav tuabneeg nyob nplajteb
Txha tau lug nyob uake
Txhua tug koom tuab tug Cawmseej
Hab koom tuab txuj kev ntseeg
Txhua tug koom tuab tug Vaajtswv
Hab noj tuab rooj mov xwb
Txhua tug taug moog tuab txuj kev
Yog txuj kevcai rausdlej.

VERSE 4

Huv nplajteb muaj kev simsab
Najnub muaj kev dlaagntxag
Tabsis tug kws ntseeg Vaajtswv
Tsi yuamkev lawv leejtwg
Vim pawgntseeg muaj tug Cawmseej
Pawgntseeg yeejyuav kovyeej
Lub nplajteb yuav raug puamtsuaj
Pawgntseeg yeejyuav nyob ruaj.

VERSE 5

Pawgntseeg kws nquag thov Vaajtswv
Yuav lujhlub vaammeej xwb
Yuav nrug Vaajtswv sisraug zoov Hab tau Vaajtswv koobmoov
Vaajtswv pub cov ntseeg txhua leej
Muaj fwjchim hab kovyeej
Ntxwjnyoog yuav tso pawgntseeg tseg
Tsi kaam txaavlug nyob ze.