325. TSWV YEXUS TAABTOM HU
VERSE 1

Tswv Yexus taabtom hu has tas
Leejtwg yuav txaussab hlo moog
Moog hlais cov nplej kws taabtom sav
Leejtwg yuav txaussab hlo moog
Tswv Yexus lub suab hu has tas
Koobmoov yuav pub rua tug moog
Leejtwg yuav teb tug Tswv has tas
Kuv nyob ntawm nuav khaiv kuv moog.

VERSE 2

Yog koj hlaa tsi tau dlej havtxwv
Moog qha rua lwm lub tebchaws
Los yeej qha tau koj tij koj kwv
Hab koj tej namntxawm txivntxawm
Yog koj muab tsi tau nyaj tsheej pua
Coj moog paab qha txuj Moo Zoo
Los qee zog mivntsiv kws koj muaj
Ces Moo Zoo tub nrov moog thoob.

VERSE 3

Yog koj has tsi tau lug timtswv
Qha tsi tau le paulos qha
Los yeej pav tau txuj kev tuag txhwv
Kws Yexus cawm peb txujsa
Yog koj coj tsi tau tuabneeg laug
Lug txais yuav txuj kev dlimtxim
Los yeej coj tau tej mivnyuas yau
Lug txais txujsa ntev ibtxhis.

VERSE 4

Tuabneeg nplajteb najnub plujtuag
Puab tsi tau nov txuj Moo Zoo
Tswv Yexus txha le hu nrooj tuaj
Kuas koj moog qha txuj Moo Zoo
Cale noog tug Tswv lub suab hu
Nwg nrhav tug kws txaussab moog
Thaus koj nov tug Tswv lub suab hu
Cale teb tas, “Khaiv kuv moog”