VERSE 1

Mo kws luas ntxeevsab rua Yexus
Ntuj ntsagtu teb ntsagzog
Yexus npaaj tau Vaajtswv Roojmov
Muab rua cov thwjtim noj
Yexus has tas, “Noj ncu txug Kuv,
Qha kuv zaaj rua tuabneeg
Noj lub ncuav nuav moog txug nub kws
Kuv ntsib mej huv Ceebtsheej”

VERSE 2

Mo kws luas ntxeevsab rua Yexus
Ntuj tsi taj teb tsi tug
Yexus khawsnkaus khob kua txivmaab
Hab Nwg tsaancauj tsaalug
Has tas, “Nuav yog kev coglug tshab
Kuv cov ntshaav ua cim nas
Kuv yaam tug tij mej yaam cov kwv
Nrug Kuv koom ib txujsa”

VERSE 3

Mo kws luas ntxeevsab rua Yexus
Ntuj tsausndlais teb tsausnti
Yexus muab lub ncuav hab khobdlej
Cev moog rua cov thwjtim
“Lub ncuav nuav pev txug Kuv lub cev
Khobdlej pev txug cov ntshaav”
Peb noj Yexus Roojmov yuavtsum
Muab lub sab rua Nwg kaav.

CLICK TO LISTEN
MUSIC PDF