VERSE 1

Thaus pawgntseeg tuaj nyob ua ibpaab ibpawg
Vaaj Ntsujplig Dlawbhuv nyob huv plawv
Suavdlawg ncu txug Tswv Yexus kev theejtxhoj
Muaj Vaajtswv Roojmov coj lug noj.

VERSE 2

Noj tug Tswv Roojmov ncu txug Nwg txajntsig
Peb ua Vaajtswv tsaug moog ibtxhis
Noj tug Tswv Roojmov ncu txug Nwg tshaajntuj
Peb qha Nwg kev tuag rua txhua tug.

VERSE 3

Tswv Yexus pluagmov kws yog Roojmov kawg
Yog pev txug Nwg cevnqaj dlaimtawv
Thaus peb haus lub khob peb ua tuabzoo xaav
Lub khob ntawd pev txug Nwg cov ntshaav.

VERSE 4

Thaus peb ua ibke noj tug Tswv Roojmov
Ca peb txhua tug muab kev txhum tso
Thaus peb ua ibke haus tug Tswv khobdlej
Ca peb tso lub neej qub povtseg.

CLICK TO LISTEN
MUSIC PDF