VERSE 1

Tswv Yexus yog tug Tswv Yug Zoo
Nwg saib hab yug Nwg paab yaaj
Nwg taugkev moog ua cov yaaj ntej
Ces cov yaaj sawv lawv Nwg qaab
Cawmseej Yexus, Cawmseej Yexus
Peb txhua tug yog Koj cov yaaj
Cawmseej Yexus, Cawmseej Yexus
Koj uantej peb yuav lawvqaab.

VERSE 2

Peb yog cov kws ntseeg koj lub npe
Peb najnub taug Koj txuj kev
Yog leejtwg yuamkev poobzoo lawm
Thov Koj coj nwg rov lug tsev
Cawmseej Yexus, Cawmseej Yexus
Peb yuav nyob huv Koj xubndlag
Cawmseej Yexus, Cawmseej Yexus
Peb yuav khaws Koj Txujlug qha.

VERSE 3

Txhua tug yaaj kws txaav lug cuag Koj
Koj yuav tsitso nwg povtseg
Peb tub yuamkev ua txhum ntau zag
Tabsis Koj tseem tuav peb teg
Cawmseej Yexus, Cawmseej Yexus
Peb leeg kev txhum huv tuabsi
Cawmseej Yexus, Cawmseej Yexus
Thov ua sab ntev zaam peb txim.

VERSE 4

Txhua tug yaaj kws nyam noog Koj lug
Yuav ua lub neej kws kaaj sab
Txij nuav moog peb yuav tso sab qub
Ua lub neej txais yuav sab tshab
Cawmseej Yexus, Cawmseej Yexus
Koj yog peb tug Tswv Yug Zoo
Cawmseej Yexus, Cawmseej Yexus
Peb tau txais Koj txuj koobmoov.

CLICK TO LISTEN
MUSIC PDF