242. PEB NRUG YEXUS MOOG KEV
VERSE 1

Peb nrug Yexus moog kev
Vaamkhom Nwg tuav peb teg
Kev tsausntuj huvsi hloov ua tshaavntuj
Nrug Nwg moog tsi xob thim
Nwg nrug peb nyob ibsim
Hab nrug suavdlawg kws ntseeg hab noog lug.

CHORUS

Ntseeg hab noog lug
Tsi muaj dlua lwm txuj kev
Yuav zoo sab cuag Yexus txuj
Yuavtsum ntseeg hab noog lug.

VERSE 2

Yog muaj dluab tuaj ntxoov roog
Yog muaj txuj kev tsi zoo
Los Yexus yuav nrugnraim peb txhua tug
Txuj kev pluj txuj kev tuag
Kev txhawjxeeb kev quajntsuag
Peb tsi ntshai yog peb ntseeg hab noog lug.

VERSE 3

Thaus peb qha Vaajtswv Lug
Yog peb ntsib luastej ntxub
Peb tub paub luas yeej xub ntxub Yexus
Yog peb raug luas thuam hab
Yog peb najnub nyuajsab
Yuavtsum muab sab rau ntseeg hab nooglug.

VERSE 4

Yog peb khauvxwm kev phem
Pheej tsi xaav muab tsotseg
Yuav tsi muaj kev tau zoo kaaj sab lug
Muab kev phem tso povtseg
Ca Yexus coj peb kev
Nwg yuav paab yog peb ntseeg hab noog lug.

VERSE 5

Peb noog Yexus lug qha
Xyum ua hum Vaajtswv sab
Peb txhua tug txha le yuav txawj sishlub
Lub nraa sib lub nraa nyaav
Los peb yeejyuav sispaab
Peb yuavtsum rau sab ntseeg hab nooglug.