217. VAAJTSWV TUG DLEJSAB
VERSE 1

Vaajtswv tug dlejsab
Tsi zoo le yug xaav
Muaj ntau yaam ntau tsaav
Kws yug tsi totaub
Thaus yug raug txomnyem
Ces ua Vaajtswv tsaug
Yuav uacaag totaub
Vaajtswv tug dlejsab.

VERSE 2

Vaajtswv Txujlug qha
Yuavtsum hlub yeebncuab
Yog muaj yeebncuab tuaj
Ua tuabzoo txais tog
Nrhav chaw rua luas nyob
Nrhav mov rua luas noj
Ua le ntawd txha yog
Vaajtswv tug dlejsab.

VERSE 3

Yog tuabneeg limham
Tuaj ua phem rua yug
Luas ntaus yug saab phlu
Tig saabtod rua ntxiv
Yog luas txeeb lub rig
Muab lub tsho tuabsi
Vaajtswv tseem has ntxiv
Tas tsi xob foomphem.

VERSE 4

Ua neej nyob nplajteb
Xob ua phem pauj phem
Vaajtswv txha cevteg
Lug foomkoob foommoov
Vaajtswv yuav foom pub
Kuas yug lub neej zoo
Tabsis kuas ncuntsoov
Ua le Vaajtswv nyam.

VERSE 5

Vaajtswv tug dlejsab
Yug yeej paub tsi tau
Vim yug lub sab tsuas
Xaam txug tugkheej xwb
Yuav tau txu fwjchim
Xyum ua le Vaajtswv
Ca Vaajtswv lug tswj
Yug lub neej moog le.