VERSE 1

Thaus kuv txhuscaug ndlua thov Vaajtswv
Yog kuv qha kuv lub sab rua Nwg
Vaajtswv yuav tsaamuag lug saib kuv
Hab tig ntsej lug noog kuv tej lug
Thaus kuv raug kev txomnyem quajntsuag
Tsi muaj leejtwg so kuv kuamuag
Ua rua kuv sab ywjfaab ywjfwj
Kuv moog txhuscaug ndlua thov Vaajtswv.

VERSE 2

Thaus kuv txhuscaug ndlua thov Vaajtswv
Kuv tsaa suab thov kawg sab kawg ntsws
Thaus kuv lub neej raug kev txhawjxeeb
Kuv moog vaamkhom kuv tug Cawmseej.
Thaus teebmeem luj cuag dlej havtxwv
Ua rua kuv ntshai hab tau kevtwg
Kuv tsi pumqaab moog cuag leejtwg
Kuv moog txhuscaug ndlua thov Vaajtswv.

VERSE 3

Thaus kuv txhuscaug ndlua thov Vaajtswv
Vaajtswv lug ua kuv tug phoojywg
Vaajtswv ua rua kuv kaajsab lug
Thaus Nwg cevteg lug paab cuam kuv
Thaus kev ntxhuvsab lug muab kuv khi
Ua rua kuv txuj kev tsausntuj nti
Kuv tsi pum qaab yuav ua zaajtwg
Kuv moog txhuscaug ndlua thov Vaajtswv.

CLICK TO LISTEN
MUSIC PDF