191. TSWV YEXUS THOV KOJ PAAB KUV
VERSE 1

Tswv Yexus thov Koj
Paab kuv tsi xob tso kuv tseg
Kuv raug kev txomnyem
Thov nrug kuv nyob uake
Kuv muaj mob muaj nkeeg
Los tsi muaj leejtwg hlub kuv
Thov nplig kuv lub sab
Kuas kuv muaj lub sab tug.

CHORUS

Nrugnraim kuv nyob
Nrugnraim kuv nyob
Tau zoo los txomnyem
Yexus nrugnraim kuv nyob.

VERSE 2

Tswv Yexus thov Koj
Zaamtxim rua kuv tej kev phem
Vim kuv yog noobneej
Ces najnub ua yuamkev
Vaajtswv Koj yog tug
Ncaajnceeg thov Koj noog kuv thov
Thov Koj muab ntshaav ntxuav
Kuv tej kev txhum taagnrho.

VERSE 3

Tswv Yexus thov Koj
Muab kuv puag huv Koj xubndlag
Qha kuas kuv nooglug
Hab txawj ua hum Koj sab
Kuv yuav ua tej dlejnum
Kws Koj muab rua kuv ua
Thov paab kuv ua txhua
Yaam rua Koj tau ntsejmuag.