156. KUV TUB TAU TXAIS VAAJTSWV
VERSE 1

Kuv tub tau txais Vaajtswv kev hlub lawm
Ua rua kuv muaj kev zoo sab kawg
Tswv Yexus tau tuag sau khaublig ntoo
Kuv pum le ntawd kuv xaav tsi thoob
Kuv risrawv lub txim kws luj heev
Tabsis Tswv Yexus lug tuag theej.
Yog tas Vaajtswv tsi zaam kuv lub txim
Kuv lub txim yeej tseem muab kuv khi
Tabsis vim Tswv Yexus tuag txhwv kuv
Kuv txha tau Vaajtswv txuj kev hlub
Hab kuv tau Vaajtswv lub tebchaws
Vaajtswv muab pub rua kuv dlawb-dlawb.

VERSE 2

Yog muaj leejtwg tuaj nug kuv has tas,
Ua neej nyob puas muaj kev casab?
Kuv yuav qheb qhovncauj qha rua tug ntawd
Kuv muaj kev casab luj tshaajplawg
Vim kuv muaj Vaajtswv txuj kev hlub
Ndlwg lug cawm tug neeg txhum le kuv.

VERSE 3

Kuv casab rua Vaajtswv txuj kev hlub
Tsi yog casab rua kev npluanuj
Vaajtswv pub rua kuv muaj noj muaj haus
Kuv tsi tuncua kuv muaj txausnkaus
Kuv yuav qha rua tuabneeg txhua tug
Kuas puab pum tas Vaajtswv hlub kuv.