VERSE 1

Tswv Yexus txuj kev taabncuab
Luj dlua le kuv lub txim
Kuv tsi pumqaab yuav muab pav
Rua ibleeg tugtwg le
Kuv nyob huv txuj kev tsausntuj
Kev txhum tub muab kuv khi
Tabsis Tswv Yexus lug
Paab kuv dlim kuv lub txim.

CHORUS

Tswv Yexus txuj kev taabncuab luj kawgnkaus
Ntau dlua tej fuab kws nyob sau nruabntug
Tub dlua dlej havtxwv tub
Sab dlua tej hauvroob sab
Txuj kev taabncuab nuav txha paab tau kuv
Tsi muaj leejtwg yuav txwv tau Tswv Yexus
Tsi pub Nwg hlub cov tuabneeg txomnyem
Kuv yuav hunkauj qhuas Nwg txuj kev hlub
Hab qhuas Nwg lub npe.

VERSE 2

Tswv Yexus txuj kev taabncuab
Hlub cov tuabneeg raug txim
Nwg zoo sab ca Nwg tugkheej
Tuag sau tug ntoo khaublig
Puab taamtom raug kev tsimtxom
Dlaab Ntxwjnyoog muab puab khi
Tabsis Tswv Yexus lug
Paab puab dlim puab lub txim.

VERSE 3

Tswv Yexus txuj kev taabncuab
Hlub peb cov raug puamtsuaj
Nwg muaj peevxwm coj peb moog
Ua Vaajtswv cov mivnyuas
Peb poob rua dlaab lub xibteg
Nyob huv dlaab lub fwjchim
Tabsis Tswv Yexus lug
Paab peb dlim peb lub txim.

CLICK TO LISTEN
MUSIC PDF