VERSE 1

Vaajtswv hlub tuabneeg nplajteb
Nwg tso Yexus lug paab mej
Yog mej ntseeg hab muab sab npuab
Mej yuav tsi raug kev puamtsuaj.

CHORUS

Yuavtsum qha…rua mej has tas
Vaajtswv hlub…tuabneeg yuamkev
Nwg kuas rov…lug tau txujsa
Vaajtswv hlub tuabneeg yuamkev.

VERSE 2

Mej cov kws xijpheej yuamkev
Dlaab Ntxwjnyoog yuam mej ua qhev
Mej hlawv xyaab hlawv ntawv pawglug
Najnub taug txuj kev tsausntuj.

VERSE 3

Yog mej dlhuav mej lub neej qub
Hab mej dlhuav txuj kev tsausntuj
Ca Yexus cawm mej txujsa
Mej txhaj yuav yug tau dlua tshab.

VERSE 4

Yexus tuag sau ntoo khaublig
Yog Nwg tuag txhwv mej lub txim
Thov mej tig qhovntej lug noog
Nrug Vaajtswv rov sis raug zoo.

CLICK TO LISTEN
MUSIC PDF