VERSE 1

Kev pluj kev tuag kov tsi yeej
Yexus peb tug Cawmseej
Nwg tau yeej kev pluj kev tuag
Nwg txha tsi raug puamtsuaj
Nwg rov muaj sa nyob ibtxhis
Rua qhov Nwg muaj fwjchim
Vaajtswv pub Nwg rov muaj sa
Sawv huv qhov tuag lug tag.

VERSE 2

Peb nyob huv txuj kev tsausntuj
Kev tuag quabyuam caijtsuj
Tsi muaj leejtwg yuav tsiv dlim
Kev plujtuag lub fwjchim
Tabsis Yexus lug paab peb
Nwg tuag sau ntoo ntsateg
Yog Nwg tuag theej peb lub txhoj
Sawv rov lug muaj sa nyob.

VERSE 3

Muaj tuabneeg coobleej tau pum
Thaus Yexus sawv rov lug
Cov tuabneeg ntawd ua timkhawv
Has tas Yexus sawv lawm
Lub qhov ntxaa kws qheb khooblug
Ua timkhawv rua txhua tug
Has tas Yexus rov cajsa
Sawv huv qhovtuag lawm tag.

CLICK TO LISTEN
MUSIC PDF