VERSE 1

Tug Cawmseej lug huv nplajteb
Yeebncuab muab Nwg tua povtseg
Puab xuas muv nkaug Nwg saabtaav
Nwg cov ntshaav txha le lug taag
Tswv Yexus cov ntshaav tsimtxaj
Cawm tau peb suavdlawg txujsa.

VERSE 2

Tsi muaj leejtwg paab tau kuv
Kuv txha lug ntseeg Tswv Yexus
Nwg muab kuv lub txim povtseg
Nwg tsi yuav kuv ibqhov nqe
Nyaj hab kub los txhwv tsi tau
Tsuas muaj Yexus tuabtug nkaus.

VERSE 3

Nwg tsi yuav tej nyaj tej txaj
Nwg tau pub kuv muaj npluamag
Kuv tshaibplaab Nwg pub kuv noj
Kuv txuj kev Nwg ua tug coj
Tswv Yexus yog tug npluanuj
Nwg muab txhuayaam pub rua kuv.

VERSE 4

Kuv tug Cawmseej Tswv Yexus
Thaus txug nub kuv txujsa tu
Thov Koj coj kuv txuj hauvkev
Tsi xob ca kuv raug txomnyem
Kuv yuav nyob ntawm Koj saabxis
Nrug Koj nyob ntevdlawv ibtxhis.

CLICK TO LISTEN
MUSIC PDF