012. KUV QHUAS VAAJTSWV, VAAJ LEEJTXIV
VERSE 1

Kuv Qhuas Vaajtswv, Vaaj Leejtxiv
Vaaj Leejtub hab Vaaj Ntsujplig
Lug ntawm Koj lub Npe Dlawbhuv
Kuv yeejyuav ncu Koj tshaavntuj
Thaus sawvntxuv kuv ua Koj tsaug
Thaus nubpoob kuv ua Koj tsaug
Txawmyog nruabnub los montuj
Kuv qhuas Koj moog txhua-txhua nub

VERSE 2

Kuv qhuas Vaajtswv, Vaaj Leejtxiv
Vaaj Leejtub hab Vaaj Ntsujplig
Vaajtswv nyob tau qhov txhua chaw
Huv nruabnraab cov ntseeg txhua pawg
Txawmyog nyob haavzoov haavtsuag
Lossis nyob roob mojsaab qhua
Vaajtswv Koj tuavrawv kuv teg
Vaaj Ntsujplig coj kuv txuj kev.

VERSE 3

Kuv qhuas Vaajtswv, Vaaj Leejtxiv
Vaaj Leejtub hab Vaaj Ntsujplig
Vaajtswv tug muaj lub sab ntev
Rua tuabneeg nyob huv nplajteb
Muaj coobleej tseem tsi tau ntseeg
Tabsis Koj yeej hlub txhualeej
Koj ua sab ntev tog txhua tug
Pov sab qub lug ntseeg Yexus.